ياشار حكاكپور بو گوندن آجليق اعتصابينا باشلاياجاق
ماراغا زيندانيندا گوناهسيز و قانون چيرچيوهلريندن اوزاق حالدا ساخلانيلان و هر بير محبوسا عايد اولان ساده حقلردن محروم قالان ماراغالي گنج آذربايجان چاليشقاني ياشار حكاكپورون قاباقدا اولان كنكور سيناغيندا هر تورلو اشتراك ائتمهسي ياساقدير!
ياشار حكاكپور ماراغانين آذربايجان يولوندا چاليشان دؤرد نفر باشقا يولداشلاريلا (حامد يگانهپور، داود عظيمزاده، مجيد پژوهيفام و اؤتن
گونلرده 10ميليونلوق بلگهايله آزادليغا بوراخيلان عليرضا حقي )بيرگه خورداد آيينين 5-جي گونوندن بللي اولمايان بير سوچا گؤره ائولريندن ياخالانيب و بير باشا دوستاغا يوللانيبلار.آذربايجان يولوندا و دوشونجه اوزهرينده چاليشان بو ايگيدلر باشقا زيندانيلر يارارلارنان ساده و اؤزهل حقلريندن خصوصيله دوزگون شكيلده ايستهديكلري وكيلي توتماقدان محروم اولاراق آدي چكيلن شهرين زيندانيندا
اولان اوغرو، قاچاقچي ، معتاد و باشقا مجرملرله بير يئرده ساخلانيليرلار.اؤتن گونلرين بويوندا ياشار قارداشيميزين آتاسي احمد حكاكپور ياشارگيلين دوسيلارينا يئتيشن قاضي سليمييه ائتديگي موراجيعت و اوغلونون آزادليغيني سوروشدوغوندا اوندان ياشارا
باشقا پروندهنين يارانما خبريني ائشيدير. قاضي اونا دئميشدير كي ياشار حبسده اولاركنده دينج اوتورمايير!
سليمي آرتيريب ياشار زيندانين دووارلاريندا مؤهور قيريقلاريلا آذربايجان شعاري يازير و بو ديرهنيش اونون جورمونو داهادا آغيرلادير.
قاضي سليمي، كنكور سيناقلاريندا آد يازديران ياشار حكاكپورون هر تورلو (ايستر الي باغلي، ايسترسهده الي آچيق)اشتراك ائديب و امتحان وئرمهسيني منع ائديبدير!!بو قرارلاري ائشديب و اينانيلماز داورانيشلارا معروض قالان ياشار يولداشيميز اعلان ائديبدير كي
صاباح تير آيينين 22-جي گونوندن اعتباراٌ قانوندان اوزاق دوستاقدا ساخلانديغينا گؤره يئمكدن ال چكيب و سونو بللي اولمايان آجليق آكسياسينا ال ووراجاقدير.
